صينية مكرونة أصداف🥟
مارس 19, 2020
أهلا ومرحبتين💕🎐
ألهمتني تغريد من حساب ١٥ ثانية الغني عن التعريف في هذي الوصفة اللذيذة والسهلة
الوصفة من تخبيصي
انستغرامهم هنا
الوصفة من تخبيصي
وصفة تنفع غداء/عشاء خفيف وأهم شيء لذيذة
اللي مايحبون نكهة الثوم القوية ممكن يخففونه وكذلك ممكن تعدلون بالمكونات حسب رغبتكم
بالنهاية الطبخ على الذوق الشخصي ..
طبعا المقادير بتكون تقديرية مش ١٠٠% لاني من النوع امشي على حدسي
•●••●••●••●•
المقادير:
(تكفي صينية صغيرة)
الوصفة على 4 أجزاء بسيطة
الوصفة على 4 أجزاء بسيطة
•●••●••●••●•
الجزء الأول:
مكرونة أصداف (حسب حجم الصينية)
تسلق ١٥ دقيقة مع نص مكعب مرق دجاج
تصفى وتغسل بموية بارده او عادية
•●••●••●••●•
الجزء الثاني
ملاحظة: اذا الدجاج يطلع معكم ناشف وقاسي ممكن تنقعونه قبل التتبيل بموية وخل ربع ساعة تساعد في تليينه.
صدر دجاج كبير يقطع بالعرض الى نصفين ثم تفتح فيه فتحات صغيرة ويتبل أقل شيء نص ساعة:
- بزيت زيتون
- 3 فصوص ثوم
- 3 فصوص ثوم
- ملعقة صغيرة فلفل أسود
- ملعقة صغيرة ملح
- ملعقة كبيرة بابريكا
(المقادير تقريبية ممكن تزيدونها حسب الذوق)
...
بعد
ما يخلص مدة التتبيل يتقطع مكعبات وسط الى صغيرة ويشوح على المقلا حرارة
عالية مع التغطيه عشر دقايق ثم نضيف مويه الى ان يتغطى الدجاج ونتركها تطبخ
حوالي ١٥ دقيقة حتى تنضج مع الانتباه لها
-قصرو عليها شوي-
•●••●••●••●•
الجزء الثالث: الصوص
-تقدرون تستخدمون اي وصفة صوص تحبونها مو شرط هذي -
على النار:
٣ فصوص وسط ثوم مهروسه
زيت زيتون
ملعقة معجون طماطم
ونص مكعب مرق دجاج
بعد ما يذوب المعجون وتطلع ريحة الثوم نضيف
علبة صغيرة كريمة طبخ
بيالة حليب سائل
بعد ماتطبخ شوي نضيف شريحة كبيرة جبن تشيدر مبشور (حوالي ملعقتين او علبة صغيرة معلبة او حسب الذوق )
•●••●••●••●•
الجزء الأخير
الحشوة:
الحشوة:
بطاطس مكعبات مقلي
ملعقة قشطة
ملعقة الصوص الوردي
الدجاج (بعد تفتيته بالملعقة شوي )
بعدها نبدأ نرتب الصينية..
شوي صوص في الصينية
نحشي المكرونة بالحشوة ونصفها
نغطيها بباقي الصوص
ونرشح جبن موزريلا
وندخلها الفرن من فوق وتحت على نار خفيفة الين تتماسك وتتحمر
وبألف عافية 🌿❤
•●••●••●••●•
0 التعليقات